13/08/11

Camino de la Cándena - salimiento



Camino de la Cándena ye ua rodeira seguida adreitos a la Raia antre Cicuiro i Arzelheira. Este camino tamien dá l nome al libro que salirá no die 21 deste més na scuola de Cicuiro ende a las cinco de la tarde. Nesse manhucico de cuontas de la Raia hai ua que se chama "Manolielho" de la qual se deixa
eiqui la sigunda parte.
L lhugar ye pequerrico mas inda se bei de bien loinge i l camino nun ten lhodaçales nien talanqueiras. Ua buona biaige até alhá.




1 comentário:

faustino.antao disse...

Oulá Alcides

Stou anraibado cul tiempo.

Anton agora yá nien dá para mais que un aperto de mano!
Astanho fui demais, fui todo a fugir, até quando te bi an Zenízio, nien dou para ua cumbersa.

Assi nun puode ser.

I, mais por rezones de família yá nun ando pul praino, nun bou a star cuntigo i ls amigos ne l salimiento de l lhibro "Camino de la Cándena".

Quiero un, lhougo que fur possible.

Ls mius parabienes i que todo salga bien.

Die 21 starei cuntigo, doutro modo mas starei, porque ls amigos nun se squécen nestes momientos.

Un abraço arrochado, tamien de Natália, saludos pa ls tous.

Faustino