Hán-de!

Hai un riu de palabras
que me cuorre ne l peito,
passa las bordas,
i bai apressiado,
para chegar a horas.

Hai un filico,
d´auga cristalina,
correndo nun praino,
que salta acagatado
l poema,
an sue nudeç.

Nun hai
nien augueira,
quanta beç!

Las letras crian çanceinhos
antourónan-se las sílabas,
i l poema ye yerba,
ambaixo de carambelo.

Há-de-se la lhuminaira riacender,
para çfazer l çanceinho!

Há-de l sol bater,
para calcer ls tourones,
i derretir l carambelo!

Hán-de tornar
a cascalhar palabras,
nun riu morno a crecer!