Eras i curjidades (Datas e curiosidades)

Quando ando pulas tierras ua de las cousas que gosto ye d’ancuntrar eras, eilhas spértan-me curjidades.

Ancuntrei hai muitos anhos ua na “Fuonte de ls Raposos” – Zenízio (dezir que esta fuonte stá nua lhata que siempre tubo dunho i inda ten, nun stá an público, you yá screbi muitas bezes subre eilha) mas habie, staba stabelecido que ls pessonas e l pobo podien ir alhá colher ou buer auga na mesma, antrában por ua puorta que staba arrimada al caminho (hoije strada) por un carreiron até la fuonte que queda ne l meio de la lhata. I assi acunteciu até arrimado a 1930 durante 150 anhos ou mais.

Nesta fuonte stá grabada na piedra la era de 1781.

Na frontarie de la Eigreija Matriz (Eigreija de Santa Oulália) stá grabada la era de 1792, que queda bien acerca de la Fuonte de ls Raposos.

Será que se you dezir que ls oubreiros, que trabalhórun na custruçon de l’Eigreija Matriz de Zenízio serbírun-se desta fuonte!?

- Ye uma verdade.

A esse tiempo auga ne ls canhos nun habie, talbeç habisse yá ua outra fuonte acerca desta (que nun sei la era), mas ne ls beranos era perciso muita auga, pa las gientes e ls animales, que éran ousados para carregar i fazer to ls trabalhos a la par de ls pessonas.

Peçque, mirando pa las eras,  hai muitos cantaros d’água n’Eigreija de la “Fuonte de ls Raposos”

( Em português)

Datas e curiosidades

Quando viajo pelas terras uma das coisas que gosto é de encontrar datas, despertam-me curiosidades

Encontrei há muitos anhos uma na “Fonte dos Raposos” – Genísio (dizer que esta fonte esta numa terra que sempre teve dono e ainda tem, não está em público, eu já escrevi muitas vezes sobre ela) mas estava estabelecido que as pessoas e o povo em geral podiam ir lá colher ou beber na mesma, entravam por uma entrada que estava e esta perto do caminho (hoje estrada) e por um carreiro até a fonte que está no meio da propriedade. Assim aconteceu até perto de 1930 durante 150 anos ou mais.

Esta gravada na pedra da fonte a data de 1781.

No portal da Igreja Matriz (Igreja de Santa Eulália) esta gravada a data de 1792, que fica bem perto da dita fonte.

Será que se eu disser que os trabalhadores, que trabalharam na Igreja Matriz de Genísio se serviram desta Fonte?

- É uma verdade.

A esse tempo não havia água canalisada, talvez houvesse outra (que não sei a data), mas nos verões era preciso muita água, para as pessoas e animais, que eram utilizados nos trabalhos ao lado das pessoas.

Olhando para as datas parece que há muitos cântaros de água na Igreja da Fonte dos Raposos