8 – Spressones (dezires)

 - calha l sobiote, garoto malbado…

- calha-te dua beç, por todas…

- calhou-me a mi la suorte de las Barreiras.

- calhou-me bien haberdes benido.

- cama, mesa i roupa lhabada, que mais quier!

- canhiça de l chiqueiro ten que ser fuorte.

- cara d'amberniço ye l quel ten (ambierno).

- cascou-le de rijo, onte a la nuite.

- çcunfique fuste tu, sou bardino!

- cerra la puorta, ben muito friu dende.

- chamaba-le mala-raça, pulas cuostas.

- chamou-le denomes i por an riba batiu-le.

- chamou-le denomes por el ser burro.

- champa-le na cara toda la berdade...

- chasco cascon ne l'antruido yá pon…

- chega-le la roupa al pelo, quando lo bires.

- cheira qu'apesta, l bicho (fiede).

- chobiu a cántaros, alhá pa la Malhada.

- chober a baler! nien siempre ye buono.

Bideo - Comentairo subre l Lhionés ( La Lhéngua)

Stimados scritores, lheitores i besitantes deste blogue.

Porque tamien me chegou, porque ancuntrei este bideo mui anterressate, cuidei por bien partilhar cun todos bós.

Ye un bideo, mesmo sendo falado i screbido an castelhano s'antende bien. Hai nel tan buonos i anterressantes conhecimientos, relhatados i comentairos de pessonas antendidas i sabidas de las lhénguas, que serie ua pena nun ber.

Para todos i an special para quien ama l mirandés, nun puode quedar sien saber todo l que stá eiqui.

Son pula cierta trabalhos cumo este que muito mos ajúdan a antender l'ourige i la bida de las muitas lhénguas que stubírun ne l território de l Reino de Lhion, cumo l Mirandés, Asturiano, Sanabrés, Cabreirés i muitas outras lhénguas.

Cumo un bideo bal mais que mil palabras botai-bos a ber l bideo (son menos de binte minutos)


https://www.youtube.com/watch?v=S5qO311K7_Q

 

Nota: Para ber l bideo bonda calcar ne l link ou nas eimaiges.

Livro "Uma noite de serão de luz à candeia"

"Uma noite de serão de luz à candeia"

Mónica Ferreira recolhe histórias da tradição oral Mirandesa

Obra "Uma noite de serão de luz à candeia" reúne perto de 20 contos da tradição oral.

Uma investigadora da tradição oral mirandesa reuniu em livro um conjunto de histórias que eram contadas ao serão pelos mais idosos durante os tempos livres das gentes do Planalto Mirandês.

Mónica Ferreira reuniu perto de 20 contos da tradição oral, após percorrer diversas aldeias transmontanas, que estão compilados na obra ‘Uma noite de serão de luz à candeia’.

A antropóloga de formação, espera poder continuar a recolher testemunhos da população da região e não afasta a hipótese de escrever mais livros com o mesmo método.

Monica Ferreira cresceu em Miranda do Douro, sempre a ouvir as conversas dos mais velhos que a motivaram para escrever um livro que não deixe esquecer as histórias e narrativas transmitidas de geração em geração que são uma parte da cultura e identidade de um povo.

Os interessados, podem adquirir o livro na Loja Interativa de Turismo (Mogadouro); Restaurante a Lareira (Mogadouro); Museu (Miranda do Douro)

http://www.diariodetrasosmontes.com/noticia/monica-ferreira-recolhe-historias-da-tradicao-oral-mirandesa

7 – Spressones (dezires)

- bota más bino ne l púcaro

- bota ua mano ende pa riba

- botaba ne l caçhaço ua corriente d'ouro…

- bota-le ua braçada de feno, nas manjadouras

- bota-le ua mano chena de grano na pila

- botar frol? Solo na purmabera

- botemos uns balientes cachapuços (mergulhos)

- bou a buscar ua manada de lheinha

- bou alhá pula tardica

- bou an demanda de Justina por ende

- bou para an casa de tie-abó

- bou-me a dar ua buolta pul termo (passear)

- bou-me alhá, que se fai tarde

- buis-te l chá, pintou-te?

- buono buono yá chega! Senó…(bonda)

- caçou-le l reloujo ne l jogo

- cada un que s'amanhe…

- cadielhos ten tamien (porblemas)…

- çafra, martelo pa la picar, cuorno, piedra pa l'aguçar

Buono Anho Nuobo

Uas buonas çpedidas de l anho dous mil i dezasseis (anho bielho) i uas buonas antradas ne l dous mil i dezassiete (anho nuobo), ye l que deseio a todos, seian scritores neste blogue, lheitores ou besitantes.

Que l nuobo anho traia cousas buonas, an special salude, alegrie i paç, muita lheitura i scrita an mirandés de cuontas, crónicas, lhonas, poesie, que haba palhestas i einiciatibas de dibulgaçon i pormoçon de la cultura i de la lhéngua, salimiento de lhibros para que la mensaige s'alhargue i quede pa ls tiempos feturos.

Puode parcer solo deseio de quien ye mirandés, mas nun ye, ye tamien pula cierta deseio de todos, seian ou nó falantes ou secritores, daqueilhes que áman la cultura.

"Bun anho de dois mil i dezassiete"👍

PORGRAMA GEADA 2016

Buonas fiestas (Boas festas)

Que todas i todos que eiqui publícan, bener lher las cuontas i crónicas que partilho, téngan un Santo Natal e feliç Anho Nuobo de 2017. 

Cun salude, harmonie i paç na cumpanhie de sues familias.

Son ls mius deseios, de mie tie Natália i demais familiares.

Beisicos.

Pingas

  

Sgúbian-se pingas  de l rugaço

quando te penso.

Seran lhágrimas

que se scalabaçórun an caídas,

ou seran pingas de chúbia,

ou seran pérolas d´ourbalho?

Descanso ende las penas,

las manos,

grietas que hán-de amerosar,

coscurones de bidas  a zlir,

tiempo d´ourgéncias a passar.

Yá l outonho se stá a scapar…

I you que fujo de eimbierno 
cumo diabo de la cruç!

Yá las fronças s´ampéçan a drobar,

yá las ganas se debélgan,

yá l querer a las bezes s´angaramona,

yá las fuorças maréian a barimbar…

Sigura ls minutos a las golfiadas que dan l tempeiro!

Prende las horas para que la jeira te rinda!

Apeia ls dies para que l´ampreitada seia lharga

anque la soldada nun te seia paga!

Sgúbian-se pingas de l rogaço

quando te penso.

Acubro semientes,

sprança de muolo

bencida que seia l´ambernada…

6 – Spressones (dezires)

 

… bás apanhar i nun tarda…

… bastou un bufetón para l'arrumar ...

… bater cula cota de la machada, de la faca, de…

… batie las caçcanhetas puli arriba

… bubiu ua tragada buona

… bai d'ajudar a tue mai

… ben de baixo l feirante…

…beni cun ti Chico i cun tie Ana.

…bestir la camisa d'alrobés, ye malbadeza

…bibe apartado de la tie, hai muitos anhos

…bien maltraste me saliste! stafermo

…bien que fugie, puli arriba

…bieno da peto para falar cula benzedeira

…bieno ua chubica bien buona

Biu-se an calças pardas (an apuros)

…boca de la garrafa, de l cántaro, de l poço…

…bolbiu-se an mono l garoto.

…bondou falar para todos quedáren cuntentes

…bota a correr garotico dua figa!

…bota cula mano çaduonha (squierda)

Pensamientos cun sabedorie

….you nun conheço l sussesso mas sei qual ye l chabe pa l derrota, ye querer agradar a to l mundo….

Cuidado !... las pessonas ban a tratar-te bien anté l die que yá nun percisaren de ti…

… nun baias al miu antierro a mostrar quanto me quieres i gustas de mi, amostra-me todo esso agora que stou bibo…

… tristes son las pessonas que téntan ancuntrar defeitos ne ls outros solo para se sentíren un pouco melhores…

…fazer bien ou fazer mal nun tenerá assi tanta amportáncia, nun te squeças que haberá siempre quien diga mal, por esso fai cumo antiendes…

…nunca cuntes cousas tues a quien passa to l tiempo a cuntar-te cousas de ls outros…

…perfiro quedar cun to ls defeitos que dízen que tengo, do que fingir ser alguien que nun sou…

Binte anhos

Cumo se nun chegasse ampeçar las negociaçones cun quaije dous meses de retraso, l Ministério de l' Eiducaçon cuida que solo debe bincular ls cuntratados cun 7300 dies de serbiço. An menos tiempo fui-se Oulices a la guerra i tornou.

5 – Spressones (dezires)

…bai culs tous que you bou culs mius

…bai dreito para casa

…bai pa l diabro de ls einfiernos

…bai pa l diabro que te lhiebe

…bai pa l diabro que te pariu

…bai pa l raio que te parta

…bai pa la bandarra, todas las nuites

…bai pa las piedras-negras (einfierno)

…bai pensando por ti i por tue mai

…bai pul rastro, ancuntras-las? (pulas pizadas)

…bai tu senó bou you.

…bai ua carreira anté tue casa? (correr)

…baia baia que tubiste suorte

…bai-te por ende afuora

…bamos a la janta (cenar)  

…bamos a tirar las teimas, ajuntando-los.

…la banca de l çapateiro ye buona

…baras de la masseira stán na casa de l forno.

…bariar de la cabeça, puode acuntecer al purmeiro.( Perder l juízo)

…bás a ber cumo you te ansino!

Ye un Zabafo

Cumo zato you este nuolo!

Dezis bós, stá anraibado i mira que quando un stá anraibado, de cabeça caliente nun ten las melhores eideias. Esso ye berdade na maiorie de ls causos, mas you nun stou de cabeça caliente, stou triste, anrezinado pul que beio, pul que m’arrodeia.

I desta beç ten haber  culs pies que stán na outra puonta de l cuorpo bien loinge de la cabeça, chenos de merda de ls perros, porque nesta cidade (Lisboua) adonde passo la maiorie de l tiempo, las ruas, l spácio adonde ándan las pessonas stán chenos de “buostas, cagalhones, persentes” deixados puls cuitados de ls animales, ls perros. Nun tengo nada, nunca tube acuontra ls bichos, que cuido cumo muita giente son berdadeiros i fieles amigos, porque esses nun falseian naide.

Mas anquanto you me sfuorço para deixar ua “buona pegada ne l planeta tierra”, sous dunhos amporcálhan, sújan todo, la maiorie de sous duonhos nun ténen respeito.

Yá nun sei l que dezir a miu nieto, quando pisa la buosta, i you quiero que l mundo (feturo) del seia mais lhimpo, mais bien ouloroso.

Nun quiero acraditar que este mundo i l de manhana seia perro.