Cumo ua eimaige bal por mil palabras, nun bou a screbir muito.
Mas siempre bos anformo stimados cronistas (scritores) i lheitores deste sítio, eiqui bos deixo l link dadonde stan publicados ls retratos de l "Cumbíbio/Jogos", eibento que l'Associaçon Cultual i Recreatiba Nial de la Boubielha (Zenizio.Miranda de l Douro) pormobe to ls anhos, cul antuito de possiblitar que la quemunidade de cunterráneos i amigos a bibir an Lisboua i alredores puodan atamar las suidades, rebibir ls jogos tradecionales, zanferrujar la sue lhéngua d'ourige, l mirandés, puodan ambersar i ancuntrar-se culs amigos i camaradas, porque ne ls dies que cuorren l tiempo scassa.
Assi ponendo eiqui la anformaçon dadonde stan ls retratos podeis todos, lheitores i besitantes deste site, fazer ua eideia como passamos l die, ende se puode ber la sastisfaçon e alegrie que mos bai n'alma, cumo ye grande l cumbíbio i cumo estes eibentos son amportantes cumo eilemientos de lhigaçon de la família Zeniziense.
-L link ye este:
https://www.facebook.com/media/set/?set=a.558444684199136.1073741825.100001008281658&type=3
Nota: Ls retratistas fúrun Leonardo i Faustino
(Jogo de l fito)
Buonas nuites Faustino,
ResponderEliminarCada Retrato ye mais qu'ua stória, ye un anstante de tiempo cungelado na mimória.
Nanhua outra forma de spresson artística ye tan perfunda, tan eisata, ó tan emotiba cumo un retrato.
Un abraço,
Leonardo