18/12/11

A ti


Chegueste-me an Dezembro
Fai hoije trinta i seis outonhos
La prenda de Natal mais perciosa
Que algua beç  tube:
Sien lhaços a fechar la caixa
Mas cun lhaços bien mais fuortes
que l corte de la bide nun aparta.

Eras…
Talbeç rapaç dezie you
I quando pa la mie barriga mirában
Tamien las curjidosas dezien:
Bai a ser un rapaç!
Solteste-te i apuis bozieste
I cumequiera me deziste:
Este que bés, sou you!
You deixei-te
Deixei-te medrar ouserbando-te
Deixei-te bolar seguindo l tou bolo
Abintureiro i repunsable
Cun antegridade i caratre
Sós tu próprio
Sien nunca deixares de ser,  miu tamien.
an

6 comentários:

  1. AF18 de dezembro de 2011 às 18:34

    Parabienes, Delaide!

    bs.
    A.

    ResponderEliminar
  2. Adelaide Monteiro18 de dezembro de 2011 às 21:28

    Oubrigada Amadeu.
    Un beisico,

    D.

    ResponderEliminar
  3. Adelaide Monteiro18 de dezembro de 2011 às 21:28

    Este comentário foi removido pelo autor.

    ResponderEliminar
  4. ACangueiro18 de dezembro de 2011 às 21:48

    acunchegas-te-lo bien. L paixaro ten alas. Parabienes!

    Beisico,

    ac

    ResponderEliminar
  5. franciscobelharino19 de dezembro de 2011 às 11:51

    Buonos dies Delaide,

    Parabienes a la mai i al rapaç que ye bien tirado de las gatunhas.

    Un beiso,
    Francisco

    ResponderEliminar
  6. Adelaide Monteiro19 de dezembro de 2011 às 21:35

    Son. Na berdade son tirados de las gatunhas. Naide medra bien, andrento d´ua redoma...
    Oubrigada Antonho i Francisco.

    Beisicos i Buonas Fiestas.

    D.

    ResponderEliminar