Tierra arada, miu mar!

Quando te aro,

tierra,

acarinas-me an poesie.



Tierra arada, sós poesie:

an cada yerba malina

arrincada de l tou bientre,

an cada xeixo a rodar pal suco,

an cada pormessa de fruito,

an cada cheiro de flor

que an ti eirá a nacer,

an cada pinga de chúbia a antrar,

an cada sprança a medrar.



Quando t´aro renaço,

porque al topar-te rejubeneço

i, nun te digo mintira

quando te cunfesso
que siempre m´agrada topar.

Tierra arada, miu mar!