Á Maio, que me bás traendo!
Á Maio florido
Que me bás traendo
Anho apuis anho
Las quelores d´Outonho
Biste-me de fuolhas
Que me baian calcendo
Las nuites, ls dies
Que me ban correndo
Biste-me de flores
Anque seia Eimbierno!
Per fuma-me cun oulores
De stebas i scobas
De rosas brabas i de madressilba
Pon-me ne la cabeça
Ua grinalda de flores
Biste-me de Maio
Anque sinte delores
Biste-me de quelores
Anque seia Eimbierno!
Guapo!
ResponderEliminarStaçones cumo Outonho i Eimbierno dízen que tamien se daprénden. You tamien ando nessa scuola, a ber se cunsigo dezir: «Maio sou you!».
beisico,
A.
Se quejirmos seremos siempre Maio.
ResponderEliminarMaio l més que me aparou l miu pormeiro bózio i para mi un més guapíssemo.
Beisicos
Adelaide
Acho que nun bonda querer, Delaide.
ResponderEliminarQuerer ye l ampeço.
bs.
A.
Quando se quier i zde que l sentido stéia sano, se nun fur Maio al menos que seia Abril.
ResponderEliminarNun tengo miedo de la muorte mas si de la bida-muorta.
Porque falamos nisto se afinal somos Maio, a abaluar pula pantalha!!!???
Beisicos,
A.