24/07/10

A la tardechica de tardiegos dies…

Tenes ne l cuorpo
Ls múscalos
De ls remissacos
De chubidas
Caminos yegres
Que te lhieban
Alhá de tous siléncios...
Tenes ne l´alma
L deseio de passar
Pala borda d´alhá
Dun riu que siempre
Sous miedos te metiu
I que t´ ampíden
Que de tous braços fagas remos...
Un die
Ne l serenar de fin de tarde
Ne l puial
Mirarás inda la borda d´alhá
An debaneios
De la tardechica
De tardiegos dies...

an

2 comentários:

  1. AF24 de julho de 2010 às 18:47

    Bien benida Delaide,

    Que gusto tan grande ye ber-te por acá, assi rucecitada. Agora si, que l berano antrou de beç.

    beisicos,
    Amadeu

    ResponderEliminar
  2. Adelaide Monteiro24 de julho de 2010 às 21:13

    Subrebibi a quaije que dues sumanas sien scrita na anternete. Fui ua proba de fogo.

    Eiqui stou you rececitada cumo dizes, cun l berano yá moço...

    Beisicos

    Delaide

    ResponderEliminar