26/01/09

Manuel José Geraldes - Palaçuolo - 26-01-1972



La spera

Un carreiron calhado
na tierra caliente que abrasaba.
Bate l sol no çcampado
loinge de l Praino i de la segada.
Yerba alta, monte berde: touça braba.
Nun sfergante stoura ua granada!
I sal un tiro i ua bala i outra bala de rajada an redundel.
Ua checotada, un poulo, un ai i un sangrar.
Nos uolhos passa l branco de la niebe i de la gelada,
Bola l friu de l Praino al Ultramar
adonde quedeste, Manuel,
i para nada!

Abelhón, 26-01-2009
an

6 comentários:

  1. AF26 de janeiro de 2009 às 12:59

    Guapo poema Abelhon, brabo!
    Quedo tamien cuntento puls que poemas que mos has de dar a seguir, puis naide scribe i publica un purmeiro poema ampunemente.

    Un abraço,
    Amadeu

    ResponderEliminar
  2. franciscobelharino26 de janeiro de 2009 às 13:14

    Buonas tardes Abelhon,

    Mas que guapo poema este. Gustei muito, parabienes i cuntina siempre.

    Un abraço arrochado,
    Francisco Domingues

    ResponderEliminar
  3. adeusdado26 de janeiro de 2009 às 16:18

    Nunca será demais screbir subre la nuossa stória, mesmo que isso seia doloroso. Mas ye nuossa, e bós Abelhon botais-le la quentura ou la gilada que merece. Mui guapo l que dezeis, i cumo l dezeis. Que se calhen aquels que dizen que la çculanizaçon nun fui buona. Ye purque nun oubiran Manuel
    Un abraço
    Válter Deusdado

    ResponderEliminar
  4. Tortulhas27 de janeiro de 2009 às 02:02

    Biba, buonas nuites, Abelhon!

    Ah, rapazes! I dezir que teniemos la quadrilha "ampestada" de poetas i un sien saber de nada!

    Boleste alto cun este testo... i daste-mos buona ferronada - ó checotada cume dizes!

    Un abraço!

    ResponderEliminar
  5. faustino.antao27 de janeiro de 2009 às 05:24

    Mui guapo

    -Parabienes, yá l li bárias bezes, nun sei porquei mas cada beç que l leio queda mais grande grande.

    -Nun quedaba da bien cumigo se eiqui nun benisse a dezir-te esto

    Un abraço

    ResponderEliminar
  6. Abelhon27 de janeiro de 2009 às 10:36

    Buonos dies

    Hai cousas que nien you cumprendo al ajuntar las palabras que nun piden licéncia para ser usadas ... sfregantes de rábia, talbeç.

    Ua patada de miel a todo mundo.

    ResponderEliminar