Este retrato nun ye de Tortulhas. Fui tirado an San Pedro, ende pul percípio de ls anhos 30 de l seclo passado. Nun die de Ambierno!
You nun me astrebo a dezir nada! Bou a deixar que ls garoticos, inda que sien ousar la boç, bos déien las sues rezones i bos cúnten cumo yera naqueilhes tiempos!
Yá sabie cumo era, i ne l tiempo an que you andube a scuola inda nun era assi tan defrente. Assi i todo, quedo siempre sien palabras al ber decumientos cumo este. Oubrigado Tortulhas
ResponderEliminarAmpressionante!
Serie antressante ajuntar mais decumientos destes.
Este comentário foi removido pelo autor.
ResponderEliminarCinco pies se béien çcalços
ResponderEliminar- talbeç por trás outros haba -,
Stan todos bien purparados,
Que jiqueta nun s'ousaba
Assi, pa todos ls dies.
I las camisas, tan brancas,
Bien al alrobés de ls pies,
Tan negros cumo las chancas?
Todo mundo stá mui sério,
De spanto ls uolhos abiertos,
Quie l retrato era un mistério
Até pa mocicos spiertos...
Cumo podien daprender
Letras i cuntas cun gusto?
Bien sabien que l mais saber
Era atamar esse susto
Que a todos nunca deixaba,
Naide l dezie, i era fame:
Nessa céncia si gustaba
Cadun de passar l eisame.
Quando miro estes retratos,
Queda-me l sangre coalhado:
Digo a custo algues palabras,
Mas mais balie star calhado.
Miu paíç, cun tanto seclo,
Por que caminos tu bás?
Ye mui triste haber quien tenga
Inda suidades datrás...
I tu, lhéngua mirandesa?,
Colabas-te a la probeza,
zupiada pul porsor
Que fidalga, pertuesa,
Lhéngua tenie por mais buona.
Tu eras lhéngua de ls burros,
De ls probes, çcalços i puorcos,
La caçurra, de ls caçurros...
Agora, ye mui custoso,
Dá-le a la lhéngua outra teç,
Mas ye possible, anque tarde
Chegado tenga sue beç.
La bergonha d'andar çcalço
Nun ye nuossa: quien s'anxalma
De miséria ye l poder;
nós quedemos cun nuoss'alma.
Fonso Roixo
Ye na berdade ua beleza l retratico. Ye tamien ua chamada de atençon para nun desanimarmos
ResponderEliminaradeusdado