.
RESUMO DE LAS AMBORAS DE LA PURMEIRA METADE DE L ANHO DE 2011 NE L HOIJE
.
Fúrun muitas las amboras de l HOIJE, ls bídeos i ls retratos na purmeira metade de l'anho de 2011. Deixamos eiqui un bídeo de parte d'alguns bídeos que podereis ber ne l Sendin an lhinha (HOIJE). Speramos amostrar manhana l referente a la segunda metade de l'anho.
Muitas tierras de l Praino fúrun ambora i l trabalho de muitas associaçones fui eiqui mostrado. Neste pequeinho trabalho podeis ber qu'inda hai quien trabalhe pula cultura de la nuossa region.
L HOIJE cuntinará a lhiebar l que de melhor se faç a todos ls que bénen bejitar l nuosso sitio.
RESUMO DE LAS AMBORAS DE LA PURMEIRA METADE DE L ANHO DE 2011 NE L HOIJE
.
Fúrun muitas las amboras de l HOIJE, ls bídeos i ls retratos na purmeira metade de l'anho de 2011. Deixamos eiqui un bídeo de parte d'alguns bídeos que podereis ber ne l Sendin an lhinha (HOIJE). Speramos amostrar manhana l referente a la segunda metade de l'anho.
Muitas tierras de l Praino fúrun ambora i l trabalho de muitas associaçones fui eiqui mostrado. Neste pequeinho trabalho podeis ber qu'inda hai quien trabalhe pula cultura de la nuossa region.
L HOIJE cuntinará a lhiebar l que de melhor se faç a todos ls que bénen bejitar l nuosso sitio.
Buonas nuites Almendra,
ResponderEliminarParabienes por estes guapos Bídeos que muito cuntribuen pa l’anriquecimiento de l patrimonho cultural i lhénguistico mirandés.
Un abraço,
Leonardo.
Un bun anho pa l HOIJE i l sou outor i que cuntine sien parar an to l anho de 2012.
ResponderEliminarAmadeu
Bien Haias, Leonardo i Amadeu.
ResponderEliminarL HOIJE cuntinará anquanto houbir salude i l frolesmirandesas tamien. Son dous filhos culturales que tengo i nun quiero que nada le falte.
La lhéngua yá ye grande, mas cula crise passa le cumo als moços i moças, precísan de ajudas, que las buossas nunca le fálten.
Bun anho para toda la quadrilha!
Almendra
Fuorça i bun anho pal HOIJE i l porsor Almendra que l dá bida!
ResponderEliminarBien haia.
Caro Primo Zé,
ResponderEliminarYou sou ua que gusta de ler todo l que screbis ne l Hoije. I claro todos ls dies. Ye un meio d'anformaçon balioso i por esso dou-bos tamien ls parabienes. Se l fazeis ye porque gustais dessa nuossa tierra i porque sabeis cumo nós que esse buosso trabalho puode ajudar a traier fuorça i einergie para ua quemunidade que inda muito precisa. I talbeç hoije cumo nunca.
Anton un Feliç Anho Nuobo cheno de eideias i d'anspiraçon para l bien de todos cumo tamien para bós.
Ana Maria
Buonas tardes Almendra,
ResponderEliminarCuntina siempre a dar amboras ende ne l ''Hoije'' de l que se bai passando ne l praino. La lhéngua i ls falantes quédan agradecidos.
Parabienes i un bun anho,
francisco
Buonas tardes Almendra,
ResponderEliminarCuntina siempre a dar amboras ende ne l ''Hoije'' de l que se bai passando ne l praino. La lhéngua i ls falantes quédan agradecidos.
Parabienes i un bun anho,
francisco
Onte, Hoije i Manhana cun "news", noticias fresquitas todos ls dies, bai Tiu Almendra aluminando l camino i dando nuobas de l Praino.
ResponderEliminarL HOIJE ten piernas, sapatos i solas para gastar assi l sou outor tenga salude para cuntinuar. Buono ANHO DE 2012.