Comediantes
Gusto de spetáclos que me fágan rir, que me ensinen, que me fágan muita beç chorar, bien afinada l´orquestra, las bozes, bien antrepertado l papel.A la fin merécen palmas, quanta beç de pies, quanta beç a pedir mais, outras bezes nun se puode pedir porque ye assi mesmo i nun hai cumo ser acrecentado.
L spetáculo a que tenemos assistido neste redadeiros dies, anque bien ancenado i antrepertado, nun merece palmas, nun se puode sequiera admitir que seia feito por pessonas cun repunsablidade para cun l paiç.
Ye triste que se faga comédia daquilho que ye drama i que mos bóten puls uolhos adrento un spetáclo que nun merecemos i para l qual nunca quejimos mercar belhete.
Aquando assi nun foi? L spetáculo faç parte i nun ye perciso belhete! Assi i todo biba Pertual!
ResponderEliminarbeisos,
ac
Biba pertual, siempre, claro stá. Bota a arrefucir las mangas para bencir, mas que dá arrelia, dá...
ResponderEliminarL triato cuntina an cena.
beisos,
Delaide
Buonas nuites.
ResponderEliminarCuncordo cun todo, menos quando dezis que l spetáclo ye «bien ancenado i antrepertado». Nun ye. Nin ua cousa nin outra.
Beisicos,
F.