01/09/10

Anda, nun páres!

Anda
Nun páres
Nien que te pareça
Que ls tous pies
Stan colados
Al chano que pisas.
Ri-te
Mas ri-te muito
Nien que naide te beia
Las risas.
Ri-te
Ri-te anque solo seia
Andrento de ti
Mas ri
I sobretodo
Ri-te de ti...
Solo assi
Bibirás bien cuntigo
Te perdonarás sien peniténcias
I an tous pesares
Solo berás
Pequeinhas cumenéncias.
Ri-te...
an

4 comentários:

  1. Abelhon1 de setembro de 2010 às 23:08

    Bota ua buona risa nien que seia de las arganelas ... que l tou bezino capador ponie:):) anda bota ua risa:)

    ResponderEliminar
  2. Adelaide Monteiro1 de setembro de 2010 às 23:38

    Las arganelas, Abelhon, si...las arganelas!
    Hai que chamar a tiu capador! Ui, carai, que si bás a grunhir! eheheheh! que si me dou la risa...

    un chi

    ResponderEliminar
  3. "Scacição"2 de setembro de 2010 às 11:56

    Bien haias Delaide:)Pus ye esso Andar que palantre ye l camino i para trás la burra meija:)

    Tengo pena de nun tener sabido a tiempo de l ancontro de blogueiros deste anho.Querie poner-le ls uolhos anriba:)

    Bien quedará para outras andanças!
    Un abraço a la moda Sendinesa!

    ResponderEliminar
  4. Adelaide Monteiro2 de setembro de 2010 às 15:45

    Que pena!
    Queda palanho que bén ó inda antes quando calhe.
    A la cierta bien debrebe, nel salimiento de ls lhibricos.

    Até alhá.

    beisicos,

    Delaide

    ResponderEliminar