Anton cumo ye que puode
neste tiempo de tanta crise,
queréren dar mais a la Madeira,
s´eilha yá melhor bibe.
A ber se alguien me splica
barbaridades tamanhas;
será para fazéren mais foios
i quedáren sien montanhas?
L chefe ye zbocado
i lhieba la del adelantre;
fai siempre todo l que quier
apuis l paiç que se abante.
Isto assi nun ye hounesto
i anté me causa delores;
sendo ua ilha i pouco mais,
quieren mais que ls Açores?
Assi nun ye nada justo
i até me dá zassossego;
uns queréren lhebar siempre
pal resto chupar l dedo?
You yá me quédo porqui,
esta ye la mie oupenion;
mas nisto nun percebi
l que quier la ouposiçon.
Buonos dies, Adelaide.
ResponderEliminarPor mi, daba-se la andependéncia a la Madeira i Alberto João que se gobernasse.
Abraço.
Ei Fir,
ResponderEliminarIsso era melhor que ouro subre azul, mas isso eilhes nun quieren porque nun l cunben. Quieren mamar la teta i scurrepechá-l l lheite todo para bibíren arriba de las nuossas puosses.
L quei nun cumpreendo ye la atitude de la ouposiçon...
Para star contra? I nós que aturemos isto...
Bs