Nacen nos cerrados a ls muntones
i an çcampados de cunceilho
nos balhes: ls gamones.
Na punta de la bordionca ua corre
i ála: ua rampa de foguetones.
Guerra de bolhacas, tardes de jóldia chena de anzonas
salen molinos i fundas i setas
i fisgas i caselas.
Las ninas: monas.
Hai corridas, hai resgalguinas
hai roma, bigardas i lapadas
i niales i esparrielhas i loujones
i calças tanta beç resgadas.
Sobra eimaginaçón … i gamones.
Gamones eran candeias
ResponderEliminarLhuç fuçque
cumo l de fogueiras.
Cun eilhes,
uolhos que bien ne l scuro
i manos tecien
rendas, camisolas, meias.
Lembra-se-me que fazie colares de gamones: Partidos dua cierta forma i presos ls cachicos cun la piel de l palo, eran lindos. Cousas de ninas, anque you siempre tenga jogado de todo mesmo l que tu dizes ser de ninos. Julgo que assi faziemos todas.
Rebobinei cun este poema.
Beisicos